akira968 on Xanga

akira968
read my profile sign my guestbook Name: 晶 Message: message me Member Since: 4/1/2005

SubscriptionsSites I Read
Subscribe to akira968 Get trial subscription

Posting Calendar

\|<< oldest \| newest >>\|
view all weblog archives

Friday, January 29, 2010

２５－１－１０

♠今日9點幾就起身去篤波

但我尋日6點先訓囉!!勁眼訓啊!!講起尋晚，打ICC，果個霸弓勁囂張!ok!!終有一日收佢皮既!!另外班友都幾癲，2區都打唔完就話要去打3區.....

♣我十點四到左波樓(明明約10點)，上到去一個人都未到囉

我自己開左張檯係度食早餐

冇幾耐肥仔同二哥都黎左，佢地就自己篤啦下，我慢慢嘆我既熱香餅

仲睇左一套好腦殘既戲，好似叫當男人變成女人

成套野kai到hihi！好那白痴！！

♥之後阿傑都黎埋，個死仔話自己篤過一兩次咁大把，但我次次都只係險勝佢囉

究竟我呢排同佢地篤波既意義何在!!?之後篤到4點半，肥仔話想走，但我地約左7點去睇戲(重點係冇約肥仔)，個時間又走唔倒，加上正好等佢走先唔好阻住我地啦

咁我地就話：「咁你走先囉~我地再篤多陣」點知條友就由4點幾坐係度等到7點先走

痴線嫁!!你唔係真係咁冇野做下嘛!!!返屋企訓啦好心你!!!

♦我同阿傑幾經艱苦先走甩，但之後二哥打黎又話有野做睇唔倒戲，但會一齊食飯，咁所以只係得我，傑同eva三個去睇戲，頂佢！呢兩條友上次搵我睇埋d咩女生殺人宿舍呢d咁既爛片！呢次我有信心係好睇嫁喇

柏納大師奇幻show！我睇完之後忍唔住講左句：「我呢排做咩睇親都係爛片....」eva個死野仲係度狂笑！強烈嘲笑我

又唔諗下其中三套都係同佢地睇既！佢兩個真係爛片既保證啊!!!講返套戲，其實入左魔鏡之後果d畫面真係造得好靚既，不過有時太混亂，而且個故事好恩

加上johnny叔出場機會好少，個女主角又唔係咁靚.....嗯，當睇下鄧不利多啦咁XD套野有d地方好費解囉

佢又唔交待清楚，例如點解殺男主角一定要佢上吊咁殺佢

同埋主角額頭上既圖案又係咩黎

仲有d人明明係係柏納大師既世界裡面，但點解魔鬼永遠都比柏納大師知道佢地想要d咩野，唔通柏納大師真係咁on9

?

±之後就去左漢和食野，二哥二嫂都有黎，嗯，二嫂同二哥就黎變成同一個人嫁喇

d性格都差唔多!!我同阿傑真係淨係食三文魚都食飽

真係狂食，加上之前又食左個藍藍路，攪到我都食唔倒幾多肉，可惜啊!!!下次一定要再約佢地去啊!!我要食返多d肉!!!

†呢次好似就被當左係一月一聚啦?不過呢次冇左阿jan

下次一月一聚應該係食開年飯!下次我一定要同阿jan商討下我地買k-on公仔既大計啊

6:01 PM - 1 view - add eprops - add comments - email it

Wednesday, December 30, 2009

２９－１２－０９

♠今日起身就一路食野一路睇逮捕令

唔知點解由細個開始就好鍾意睇呢套野，不過我只係早兩日睇J2台先知原來套野有第三輯

睇左兩集，普普通通姐，但好多經典野囉唔該！！連踩地剎車都出埋

仲有中島一如以往咁廢

不過唔知點解夏實變得愈黎愈man

粗豪到過左火囉

♣之後就打下魔獸，要用既裝都換晒，算係短期目標達成。但我仲有好多怨念野未做

我仲未係達拉然釣倒老鼠，仲有龍蝦我又未釣倒

而且座騎都有好多想要.....所以都仲有好多野要做啊!!!

♥夜晚就同屋企人去左食pizza，總結黎講，個pizza幾好食，但其他果d意粉之類既真係唔好食囉

pizza hut愈黎愈差啊!!!

♦返到屋企就切下蛋糕，唱下生日歌咁，之後我又再打魔獸！見倒頭d係度，佢勁唔願意地俾我捉左佢同我打安祖XD不過結果都係冇出

其實都唔多好意思再捉佢同我去喇，我打算試下出100G搵人同我去

±之後見有icc聲望團，就捉左牛哥同血牛仔一齊去，我打到5點半要訓時佢兩個都仲打緊

好強慾望啊佢地!

4:23 PM - 1 view - add eprops - add comments - email it

Monday, December 28, 2009

２７－１２－０９

♠今日9點幾就要起身返工，勁眼訓囉！我尋日玩魔獸玩到4點幾，我做隊長抽兩次都係奧眼，黑到爆，勁唔想打一走了之！

♣死捱爛捱到6點半放工之後，就去左買禮物，本身係諗住買果d插usb可以整熱野飲果d野，但去到旺電又唔覺眼有(但我肯定係有得買!)，之後諗諗下不如買d野玩，可以食完之後一齊玩，所以我就去左信和買左副類似有口難言既紙牌遊戲，之後就去左朗豪坊monster sushi等佢地。

♥ 我第一個去到......頂！成廿人響門口排隊！點食啊大佬！即刻打俾阿傑叫佢唔好黎啦，之後就去門口join埋佢地，最後就決定去別府食野。

♦因為佢兩個4點就收左工，我就問佢地去左邊啦，佢地話去左睇十月圍城，仲話幾好睇，頂你兩個，睇果d乜鬼女生殺人宿舍呢d爛片就搵我！十月圍城我都有興趣但又唔叫我喎！！賤人！！

±坐定定傾左一陣之後阿jan就黎左，咦？點解阿jan會兩手fing fing咁黎既呢?原來條友冇帶禮物，仲要連相機都冇帶

攪到我冇相放出黎，死仔包，如是者俾我地圍插左一輪之後阿jan就好無奈咁吐糟：「d時間好難就嘛!之前聖誕得閒eva又need to交人(need to交人，eva金句)，依家唔得閒你地先約出黎!!」　　我：「喂你聖誕唔駛同你女友出去既咩?」　　Jan：「佢都要返工嘛！而且得嫁啦！成日都見！聖唔聖誕都係咁嫁啦！」成句野個感覺真係好阿jan。我錯了。

†首先一人黎左碗好臭既飯，真係好臭，但食落又冇問題嫁喎，仲要幾好食，之後黎左個壽司拼盤同刺身！我本身好想爭食

但因為今餐係傑傑請，所以我都唔好意思去爭，之後黎左個充滿牛油味既牛柳粒！！好食到喊啊呢個真係

不過一人分得果兩粒！勁孤寒囉！之後仲有個乜乜魚乜撈岐埠乜烏冬都好好食！係個名騎呢左少少。

‡食完野就交換禮物啦！eva就抽中我既有口難言卡，我就抽中阿傑既豬仔錢罌，咁阿傑就抽中eva既朱古力套裝(原本係我抽中嫁!)，okok!咁之後大家就一路食朱古力，一路玩我副牌喇!有一part阿jan要做動作表達蟹粉小籠包或者老奸巨猾，結果阿jan成功係一分鐘既最後一秒令eva估倒老奸巨猾，頂!!唔明點解阿jan唔揀蟹粉小籠包囉！指住自己下面咪得囉

另一個係阿傑用英文向我表達六個字既俗語，阿傑：「a man and a woman make love before merry......」佢未講完我已經大叫：「中～～～～出～～～～～！！！」跟住大家笑到hihi

好彩我之後都估倒係生米煮成熟飯

唔係呢次既中出真係變得無意義，之後阿jan話都估唔到我咁癲可以係咁多人既地方大叫中出

點啊高登仔

¡最後埋單都要五百幾蚊，我同阿jan都唔忍心要阿傑請，所以我地都俾左自己果份，而eva個死港女就unun腳等人俾錢！不過其實請食飯係事緣上年我地既同事阿文拍拖，eva就賤口地：「妖！睇佢個死款都拍唔倒幾耐啦，個人咁古怪，三個月都唔知過唔過倒！」傑：「唔係下嘛！3個月唔會好難過咋下嘛！試用期都3個月啦！同你賭一餐飯都得啊！」 eva：「好啊！賭咪賭！」
就係咁阿傑就好愚蠢咁買左一隻99倍大冷門既跛腳馬.............

5:11 PM - 1 view - add eprops - add comments - email it

Tuesday, December 08, 2009

３０－１１－０９

♠又一個月喇，又係一月一聚既時間！今日約左去食outback！本身我放工之後就會搵埋阿傑一齊過去，但因為我要去交收隻uncharted2，所以要落一落旺角先，諗起條友打黎：「喂係咪葉生啊?」我完全唔知點答佢囉

♣交收果下條友仲送埋本自製既攻略俾我，唔錯唔錯。之後就搵埋阿傑過去，join埋eva之後就打俾阿jan，點知條死仔唔聽電話，eva仲同我講話阿jan好似唔多想黎咁

唔係咁大鑊下嘛！不過點諗都覺得阿jan唔會放人飛機，所以我地就上左去先，冇耐阿jan就打黎，話唔記得帶電話，岩岩返到屋企，要遲d黎，叫我地叫左野食先，咁ok啦！反正阿jan條友都冇咩意見嫁啦~之後阿jan黎到即刻show下佢問人借果部相機

二萬幾蚊，連埋鏡盛惠二萬七，仲話俾我玩下喎

咪攪，揩花左我賠唔起嫁

♥今日d野食都唔錯

不過個牛扒就恩d，因為食果d扒一般都唔會叫咁熟，咁我地就叫5成，但可能因為佢係用焗既關係，結果出到黎俾我地果下同生既冇分別

嚇到阿jan大叫：「哇！你地叫到咁生既.....我頂唔倒嫁喎！如果個面係熟d我都接受倒，但依家連個面都好生.....」事實真係好恐怖

我自問我都頂唔住，所以最後叫佢同我地再煎一煎個面，好彩d人都冇咩野！唔係真係瘀爆！阿jan已經警告話下個月一定要食平野XD我地三個都指住eva講！事實係條友次次都要揀埋d貴野食！！

黑糖包，個樣勁似蕃薯